Gisiguro ni City Mayor Atty. Jose Paolo Evangelista nga ang Christmas bonus sa tanang empleyado sa Local Government Unit (LGU) sa Kidapawan City ihatag na sa dili pa maabot ang Pasko. Gibutyag kini sa Mayor atol sa opening ceremony sa Christmas Bazaar nga gihimo sa Kidapawan City Gymnasium.
Sumala sa Mayor, ang sayong paghatag sa bonus maghatag og higayon sa mga empleyado nga makapalit sa ilang panginahanglanon alang sa pasko ug andam sa pag-abot sa bag-ong tuig.
Gipahimangnoan usab sa Mayor ang mga benepisyaryo nga ang kwarta nga madawat gikan sa bonus angay i-intrigo dayon ngadto sa ilang asawa ug dili igasto sa bisyo sama sa sugal, inom, o sabong.
Gusto niini nga ang bonus makahatag og tinuod nga kalipay ug suporta sa pamilya ug dili lang sa personal nga kalingawan.
Ang pag-release sa bonus sa sayo nga panahon giila usab nga paagi aron matabangan ang ekonomiya sa lokal nga komunidad, hilabi na sa panahon sa pasko nga daghan ang nanginahanglan.
Photo Courtesy to: Mayor Pau Evangelista
