Nakadawat og tag ₱20,000 nga financial assistance matag usa ang kinatibuk-an nga 380 ka MILF decommissioned combatants sa Sarangani Province ug General Santos City gikan sa DSWD Field Office XII pinaagi sa Peace and Development Buong Bansa, Mapayapa (PDBBM) Program.
Diin ang distribution gipahigayon sa usa ka Mall sa General Santos City ug gitambungan nila ni Director Miramel G. Laxa, Norilyn Rivera gikan sa National Program Management Office, ug Sohra P. Guialel, Regional Program Coordinator sa PDBBM.
Gidasig sa mga opisyal ang mga benepisyaryo sa paggamit sa cash assistance sa mahinungdanon nga paagi, ilabi na sa panginabuhian inubanan sa pasalamat sa ilang kooperasyon sa pagsiguro sa kalampusan sa kalihokan.
Mitambong atol sa aktibidad ang Bangsamoro Peace Agreement Unit, gipangunahan ni Shierra Ilupa, ug Public–Private Partnership focal person Roden Butukan.
Kini nga tabang usa ka konkretong paningkamot sa gobyerno aron suportahan ang mga decommissioned nga manggugubat ug tabangan nga mapadali ang ilang reintegrasyon sa komunidad.
Photo Courtesy to:DSWD 12 Field Office
