Gitakda nga ipailalom sa stress debriefing ang anak sa 24-anyos nga babaye kinsa gimartilyo-patay sa kanhi gikarelasyon niini sulod sa giabangan niya nga kwarto sa Sitio Bagumbuhay, Barangay Carreta, siyudad sa Sugbo, alas-2 sa kadlawon niadtong Huwebes, Disyembre 11.
Si Police Major Eric Gingoyon, hepe sa Mabolo Police Station 4 niingon nga ipatuman ang psychosocial intervention sa 6-anyos bata kinsa gikataho nga nakasaksi nga nagkadugo ang iyang inahan sulod sa lawak diin nahitabo ang krimen.
Kahinumduman nga ang suspek, kinsa giilang si Christian, ang makigbalik unta kini ngadto sa biktima. Diin, sa wala pa nahitabo ang niluog nga krimen, gikataho nga nagbitbit pa kini og bulak ug chocolate nga alang unta sa biktima.
Apan dihang nagkasulti na ang suspek ug biktima, giingong inay dawaton, gilabay man hinuon sa biktima ang bulak ug miingong sa suspek nga aduna na kini’y laing hinigugma og duna nay nahitabo kanila rason nga nahitabo ang ngilngig nga kremin.
Samtang paghuman sa kremin misibat padulong sa Manipis, Dakbayan sa Talisay ang suspek, apan human namalandong nakadesider kini nga motahan sa mga kapulisan.
Sa pagkakaron, nabalhog na sa karsel sa Mabolo police station ang suspek og mag-atubang kini og kaso nga murder.
