Nagpahigayon ang Social Security System (SSS) Pagadian Branch ang labing una nga media appreciation day alang sa mga partner media practitioner sa syudad sa Pagadian, Disyembre 10, 2025 sa gabie.
Nanguna sa kalihukan si SSS Pagadian Branch Manager Edwin Remoto uban ang mga SSS personnel diin nahimo sab nga guest of honor speaker si Senior Vice President Lilani Benedian sa Mindanao Operations Group.
Matod ni SVP Benedian gihimo nila kini aron mahatagan ug importansya ang media partners nga nahimo nilang katambayayong sa pagpalapnag sa mga saktong impormasyon kabahin sa mga programa sa ilang buhatan.
Tanang mga media partners nga mitambong lakip ang Juander Radyo Pagadian News Team nahatagan ug Certificate of Appreciation uban ang mga gift packs.
Mipadangat usab ug pagpasalamat ang Juander Radyo Pagadian pinaagi ni Station Manager Mardy Libres ngadto sa buhatan sa SSS gumikan sa pag-ila sa stasyon ug paghatag ug mga pahalipay.
