Gisurender sa duha ka Kanhi Rebeldi (FRs) ang walo ka high-powered firearms ubos sa 1st Special Forces Battalion, atol seremonya kagahapon Disyembre 9, 2025 didto sa Bukidnon Police Provincial Office (Bukidnon PPO), Malaybalay City.
Personal nga gipangulohan ang maong pagtugyan sa armas ni PMAJ Romar Jones T. Cahucom nga gisaksihan ubos sa pagdumala ni PCOL Oliver Sotto Navales, Provincial Director sa Bukidnon PPO ug sa DILG Bukidnon diha sa pagsiguro nga ang tanang pamaagi nahisubay sa Enhanced Comprehensive Local Integration Program (E-CLIP) protocols ug documentation standards.
Diha-diha dayon human sa turnover ceremony, usa ka technical inspection sa napulog-unom (16) ka dugang nga armas ang gihimo. Kini nga lakang hinungdanon sa pagkompleto sa mga kinahanglanon alang sa mga benepisyo sa E-CLIP sa mga FR ug sa pagpadayon sa transparency ug katukma sa accounting sa mga gisurender nga armas.
Kining mahinungdanon nga kalihokan nagpasiugda sa padayon nga pasalig sa mga pwersa sa seguridad ug lokal nga gobyerno sa pagpauswag sa kalinaw, kalig-on, ug ang luwas nga reintegrasyon sa mga FR ngadto sa mainstream society.
Photo Courtesy to:DILG Bukidnon
