Nailhan na sa otoridad ang usa ka indibidwal nga biktima sa insidente sa pagpamusil sa Barangay Silik, Pikit, Cotabato, alas 12:10 sa udto niadtong Disyembre 8, 2025.
Giila ang usa sa mga biktima nga si Manap Edzlail, residente sa Sitio Baybay, Carmen sa nahisgutang Probinsya. Samtang, padayon usab nga ginaberipika sa kapulisan ang identidad sa usa pa ka biktima.
Sa imbestigasyon sa otoridad, sakay sa motorsiklo ang biktima dihang gipusil kini sa wala pa mailhing suspek.
Sa karon, padayon ang ginahimong imbestigasyon sa kapulisan, aron masuta ang motibo sa pagpamusil lakip na ang posibleng pag-ila sa suspek.
Photo Courtesy to: Jun Jacolbe
