Hugot nga gikondena sa Mindanao State University–General Santos ang ngilngig nga pagpatay kang Miyuki Tsukasa Kim, 21-anyos, usa ka graduating student sa College of Fisheries and Aquatic Sciences, kinsa napalgang wala nay kinabuhi sulod sa ilang panimalay pasado alas 8 sa buntag sa Purok DBP, Barangay Apopong, General Santos City kaniadtong adlawng lunes, Disyembre 8, 2025.
Sa gipagawas nga Statement sa unibersidad, nasubo sila pag-ayo sa insidente nga nakapatandog sa tibuok MSU community.
Nanawagan ang MSU-GenSan sa mga awtoridad nga tapuson dayon ang imbestigasyon ug buhaton ang tanan aron madakpan ug manubag ang mga responsable sa krimen.
Kahibaluan nga base sa inisyal nga imbestigasyon nakaangkon matod pa ang biktima og 15 ka samad-dinunggaban sa nagkadaiyang parte sa lawas.
Diin sa pagkakaron duna nay tulo ka persons of interest ang kapulisan sa maong panghitabo. Nagpaabot usab ang maong tunghaan og pahasubo sa pamilya, mga higala, ug mga classmate ni Miyuki samtang padayon nga nanawagan og hustisya.
Photo Courtesy to: MSU-GENSAN
