Gipsiugda sa gobyerno ang awtomatikong pagpalista sa tanang benepisyaryo sa Pantawid Pamilyang Pilipino Program (4Ps) aron masiguro nga makakuha sila og diskwento sa kuryente.
Sumala pa ni Department of Energy (DOE) Undersecretary Mylene Capongcol nga kini subay sa mando ni Presidente Marcos aron mas daghang kabus nga pamilya ang matabangan sa ilang mga bayranan sa kuryente.
Sa pagkakaron, ang lifeline discount managlahi sa matag kompanya sa kuryente. Hangtod lang sa 50%, apan sa Manila Electric Railroad and Light Company (MERALCO), adunay 100% nga diskwento depende sa konsumo.
Ubos sa proposal, ang mga miyembro sa 4Ps dili na magkinahanglan og bisan unsang papeles. Basta naa sila sa opisyal nga listahan sa Department of Social Welfare and Development (DSWD), awtomatiko silang kwalipikado alang sa subsidy.
Gipasalig sa DOE nga ilang gikompleto ang data-sharing sa DSWD ug Energy Regulatory Commission (ERC) para sa makanunayon ug mas paspas nga pag apod-apod sa benepisyo.
Photo Courtesy to: DOE
