Mikunhod ang crime rate sa Surigao City sa ika-upat nga quarter karong tuiga base sa pinakabag-ong datus nga gipagawas sa Surigao City Police Station. Sumala ni PLTCOL Atty. Mariano Lukban, adunay 28.57% ang pag-ubos sa crime rate kung itandi sa ikatulong quarter.
Iyang gipasabot nga ang padayon nga pagmonitor, lig-on nga police visibility, ug dako nga suporta sa mga barangay officials maoy usa sa pinaka-importante nga hinungdan sa pagkunhod sa kriminalidad sa dakbayan.
Base sa record sa 8 Focus Crimes, natala ang mosunod nga kaso: Brgy. Washington — 1 physical injury, 1 robbery, 2 theft; Brgy. Taft — 1 theft; Brgy. San Juan — 1 theft; Brgy. Luna — 2 theft; Brgy. Canlanipa — 1 theft, 1 physical injury; Brgy. Cagniog — 1 robbery, 1 carnapping (MC); Brgy. Lipata — 1 physical injury; Brgy. Mabua — 1 physical injury; Brgy. Lisondra — 1 physical injury; Brgy. Poctoy — 1 rape; ug Brgy. Rizal — 1 robbery, 1 carnapping (MC).
Sa kinatibuk-an, 19 ka kaso ang narehistro diin ang uban kasamtangang giimbestigahan samtang ang ubang mga kaso nasang-at na sa korte.
Padayon ang kapulisan sa pagsumpo sa kriminalidad ug pinaagi usab sa pakigtimbabayong sa komunidad aron mamintin ang kahusay ug kalinaw sa syudad.
