Naka-angkon og 15 ka samad-dinunggaban ang 21-anyos nga si Miyuki, kinsa usa ka graduating student sa Mindanao State University General Santos.
Subay sa maong panghitabo nakaplagan nalang sulod sa iyang kwarto ang patay’ng lawas niini nga naligo na sa kaugalingong dugo pasado alas 8:00 sa buntag sa Purok DBP, Barangay Apopong syudad sa Gensan.
Posibleng maykalabutan matod pa sa kawat ang maong panghitabo gumikan wasak og nangawala na ang kwarta sulod sa ilang panimalay.
Gibutyag ni PMAJ Jethro Doligas, Labaw sa Police Station 2 nga kasamtangang duna na silay tulo ka person of Interest sa maong krimen.
Sa pagkakaron mas gipailawman pa mga awtoridad ang imbestigasyon sa kalabot sa maong insidente.
Photo Courtesy to:Police Station 2
