Nagpahigayon ang 2nd Provincial Mobile Force Company (PMFC) og usa ka Informative lecture alang sa kabatan-onan sa Barangay Don Andres, Ipil, Zamboanga Sibugay, pasado alas 2:00 sa hapon niadtong nakalabay nga adlaw.
Kini nga aktibidad gipasiugdahan ubos sa superbisyon ni PMAJ Brent Ian S. Salazar, OIC sa 2nd PMFC, ug giatiman sa team nga gipangulohan ni PEMS Juanito H. Baldeo Jr., FESPO.
Atol sa kalihukan , gituki ang dagkong balaodnon sama sa RA 9165, ang Comprehensive Dangerous Drugs Act of 2002; RA 7877, ang Anti-Sexual Harassment Act of 1995 ug ang RA 11313 Safe Spaces Act of 2019.
Kabahin kini nga programa sa Kabataan Alert 360°: Awareness & Symposium for a Safe and Healthy Youth sa tuyo nga mapasabot ang kahibalo sa kabatan-onan, mapaabot ang kamahinungdanon sa katungod sa matag kabataan ug matukod ang usa ka mas himsog, mas andam, ug mas empowered nga kabatan-onan.
