Gipasidan-an sa Zamboanga del Sur Police Provincial Office (ZSPPO) ang publiko nga dili magpataka ug bilin nga dili magpahibalo sa security guard sa bisan unsang mga baggage sa bisan asa nga lugar aron dili makahatag ug panic sa publiko ilabina sa Christmas season.
Kini subay sa gibutyag ni ZSPPO Provincial Director PCOL. Bonifacio Aranas Jr., atol sa pakighinabi sa media niining bag-o.
Kahinumduman ning nakalabayng semana nakahatag ug panic sa publiko ang gibilin nga usa ka maleta sulod sa security bank sa wala mailang indibidwal nga gikaalarma usab sa EOD team ug uban pang unit sa kapulisan.
Apan sobra ang pagpasalamat ni PCOL. Aranas gumikan butang lang diay tanan sa maong bangko ang sulod sa maong maleta sa diha nga gisuta sa EOD team.
Dungan niini, hugot ang pagpahimangno karon sa publiko nga himoon ang pagpakabana kon may nakita nga katingalahan sa palibot ug i-report dayon sa ilang buhatan aron ilang maaksyunan.
