Gikatingalahan karon ang usa ka iro sa Oklahoma, U.S.A. tungod kay nakit-an nga taas kayo ug dila nakuratan ang tag-iya.
Matod nga ang Iro ginganlan ug si Ozzy, usa ka kaliwat o adunay kombinasyon sa French mastiff, ug bull mastiff, naay dila nga adunay gitas-on nga 7.83 ka pulgada.
Kini mas taas kaysa sa miaging iro nga nakit-an sa maong dapit niadtong 2023 nga may sukod lang nga 5.46 ka pulgada. Nakit-an ang maong iro nga taas kayo ug dila human kini gidala sa iyang amo sa usa ka park, nga nagpahulay niadtong tungora.
Ang naka kita mao ang kauban nila niadtong panahona sa plaza og nakurat sa maong pagkakita sa dila sa maong Iro. Sumala sa tag-iya nga si Angela Pick, ang dila ni Ozzy nagbitay sukad pa sa iyang pagkatawo.
Gikumpirma sa mga beterinaryo nga wala siyay mga problema sa ngipon o abnormalidad. Sumala kanila, ang dila ni Ozzy talagsaon lang ang gitas-on.
Dugang ni Pick nga bisan pa sa taas nga dila ni Ozzy, dili siya ganahan nga modila. Mas gusto niya nga idikit ang iyang ilong sa nawong sa tawo isip paagi sa iyang pakig amigo.
Photo Courtesy: guinnessworldrecords
