Gipahibalo ni PhilHealth Caraga Regional Vice President Michael C. Jibson Hernandez nga milapas na sa P4.5 bilyon ang total benefit payment nga nabayad para sa mga in-patient sa lain-laing dapit sa Caraga.
Matod ni Hernandez, napulo (10) ra ka adlaw ang average claims turn-around time, hinungdan nga mas dali na makadawat ug benepisyo ang mga miyembro ug pasyente.
Samtang, misaka na usab sa mahigit P321 milyon ang nabayad sa PhilHealth ngadto sa mga accredited Health Care Facilities matag probinsya ubos sa programang YAKAP (Yan ang Konsulta at Aksyon sa Pamilya). Ang maong programa nagtinguha sa mas lapad nga access sa primary care ug preventive health services.
Gipasigarbo usab sa opisyal nga adunay kapin 70 ka mga munisipyo sa tibuok rehiyon nga adunay YAKAP Facility, usa ka timailhan sa mas lig-on nga health service delivery sa Caraga.
Dugang pa, gipahibalo nga nakuha sa PhilHealth Regional Office–Caraga ang Rank No. 1 sa tibuok Mindanao ug Rank No. 2 sa tibuok Pilipinas ilalom sa client satisfaction category, usa ka dakong pasidungog nga nagpakita sa pagsalig ug pagsuporta sa publiko sa ilang serbisyo.
Photo courtesy: NETZ TV
