Dead on Arrival sa balay tambalanan ang kanhing miyembro sa CAA, human kining gipusil sa Purok Namnama, Lower Paatan, Kabacan, Cotabato, alas 7 sa buntag, niadtong adlawng Huwebes Disyembre 4, 2025.
Giila ang biktima nga si Junnel Pascua Aquino, 27-anyos, ulitawo ug residente sa Barangay Kilada, Matalam sa nahisgutang Probinsya. Sa taho sa Kabacan Municipal Police Station, sakay sa motorsiklo ang biktima ug pag-abot sa lugar, gipusil kini sa wala pa mailhing suspek.
Nakahiagom og samad pinusilan sa ulo ang biktima nga miresulta sa iyang hinanaling kamatayon. Narekober sa crime scene ang duha ka basiyo sa caliber .45 nga pistola nga maoy gigamit sa suspek sa pagpusil kanga Aquino.
Sa karon, padayon pa ang ginahimong imbestigasyon sa Kabacan PNP may kalabutan sa naasoy nga insidente.
Photo Courtesy to:Jun Jacolbe
