Liboan ka Dealers ug Coordinators sa RSV Lifecare Marketing Incorporated uban sa Juander Radyo Loyalista Incorporated – Bukidnon Chapter ang nagtapok sa usa ka malampuson ug makalingaw nga Christmas Celebration nga gipahigayon Disyembre 4, 2025 sa Bukidnon Sports and Cultural Complex Barangay Laguitas Malaybalay City, isip pagpasalamat sa mabungahon nga tuig.
Ang maong selebrasyon naglakip sa nagkalain-laing kalihokan sama sa exciting nga raffle draw, kung diin nakuha ni Cyril Jason Turco taga Casisang Malaybalay ang brand new nga Honda XRM nga Motorsiklo human mabunuti isip Grand Winner, gisundan ni Marnie Manto taga Panalsalan Maramag ang 2nd prize Brand new Refrigerator, ug si Wilben Montellano taga Purok -3 Apo Macote Malaybalay City, nga nakakuha sa brand new usab nga Flatscrean TV isip 3rd prize. Nakahatag usab ug sobrang lingaw ang drama presentation, ug daghang papremyo nga nakadugang sa kasadya sa mga nitambong.
Gipakita sa maong panagtigom ang lig-on nga panaghiusa sa Dealers ug Coordinators, nga usa ka dakong pwersa sa padayon nga kalampusan sa organisasyon. Ang “exchanging gift” nga gipanghatag nagdugang pa gyud sa kalipay sa usa ka adlaw nga puno sa katawa, kalingaw ug espiritu sa Pasko.
Nagpasalamat si Sir Richard Soriano Villaronte President & CEO sa RSV Group of Companies sa tanan nga mitambong ug misuporta, ug naglaum nga mapadayon ang maayong panaghiusa samtang nag-atubang sa bag-ong tuig nga puno sa paglaum ug gugma.
