Magpatuman og pagtaas ug pag-ubos sa presyo sa produktong petrolyo ang nagkalain-laing oil companies sugod karong adlawa, Disyembre 2, 2025.
Base sa advisory sa pipila ka kompanya, muubos ang presyo sa diesel og P2.90 kada litro, samtang mosaka og P0.20 kada litro ang presyo sa gasolina.
Gilauman nga ang ubang kompanya sa lana magpagula usab ug ilang tagsa-tagsa ka price adjustments sulod sa usa ka adlaw.
Sumala sa Department of Energy (DOE), naapektuhan ang presyo sa krudo sa kalibutan tungod sa posibleng ceasefire tali sa Russia ug Ukraine, nga mahimong moresulta sa pagwagtang sa Western sanctions sa lana sa Russia.
Dugang pa sa ahensya, nagtuon usab ang mga investors sa posibleng oversupply sa global market, nga usa sa nagduso sa paglihok sa presyo sa produktong petrolyo.
Photo Courtesy to: PNA
