Gibutyag sa kanhi Pinoy Big Brother housemate ug karon aktres nga si Karina Bautista nga gusto na niyang makasuway og kontrabida role sa umaabot niyang mga proyekto sa telebisyon ug pelikula.
Sumala sa aktres, nagsunod-sunod na ang iyang mga acting projects ug gusto na niyang mosulod sa lain na sab nga klase sa karakter ang pagdula sa usa ka minaldita, istrikta, o dili mapasayloon nga personalidad nga kasagaran makita sa mga antagonista. Para niya, usa kini ka dakong hagit ug oportunidad aron mapalapad pa ang iyang abilidad sa pag-arte.
Sa laing bahin, daghan ang midayeg sa hugot ug bug-at nga performance ni Karina sa Maguad Siblings episode sa Maalaala Mo Kaya (MMK). Daghang viewers ang nalipay ug nasentimyento sa emosyon nga iyang gipagawas sa maong makatandog-kasingkasing nga istorya.
Nagpasalamat ang aktres sa init nga suporta sa publiko ug naglaum siyang ang iyang sunod nga mga papel makahatag gihapon ug lain-laing color sa showbiz industry.
Photo Courtesy to:KARINA BAUTISTA fb page
