Gidasig sa Technical Education and Skills Development Authority (TESDA) Region 9 ang tanang mga employer nga mangayo ug authenticated copy sa mga National Certificate kon NC kon may mga aplikante nga mangaplay aron dili ma-scam ug ma peke sa mga NCs.
Matod ni TESDA 9 Regional Director Alan Bacatan dali na makita karon kung peke ba ang national certificate nga dala sa aplikante kay mahimo na kining makita diha sa TESDA website.
Gisaysay ni RD Bacatan, sa nakalabayng mga katuigan dunay mga nabiktima nga mga employer sa mga peke nga mga National Certificate nga gipresentar sa ubang mga aplikante apan sa karon siya mapasalamaton nga halos wala nay naghimo ug fake NCs.
Kini gumikan matod pa nga dali na i-scan diha sa online pinaagi sa QR Code diin awtomatiko nang mobasa nga dili tinuod ang mga NCs ng dala sa mga aplikante.
Alayon niini, nanawagan si RD Bacatan sa publiko nga dili mobayad aron lang makabaton ug NCs gumikan kay gawas nga masayang ang salapi nga gibayad mahimo pa gyud sila nga makasuhan ug masakpan nga nangilad o nameke ug NCs.
