Nakadaog ang P-pop girl group nga BINI sa titulo nga Best Female Group sa 2025 Jupiter Music Awards nga gipahigayon sa Jakarta, Indonesia.
Ang grupo nga naglangkob nila Jhoanna, Aiah, Colet, Maloi, Gwen, Stacey, Mikha, ug Sheena nakadawat sa maong dungog human gipahibalo ang resulta niadtong Septyembre. Apan ang opisyal nga pagturn-over sa tropeyo gihimo lamang niadtong Sabado, Nobyembre 29, sa Emtek Studio City.
Wala makatambong ang BINI sa seremonya tungod kay nagpadayon ang ilang “BINIfied” year-end concert sa Philippine Arena sa Bulacan sa samang adlawan. Bisan pa niini, ilang label mipahimulos sa social media aron ipasabot ang dakong kalampusan sa grupo.
Gawas sa ilang kadaugan isip Best Female Group, nominado usab ang BINI sa ubang dagkong kategorya sama sa Album of the Year, Song of the Year, Collaboration of the Year, ug Music Video of the Year. Ang pagpili sa mga mananaog gibase sa fan voting—ang preliminary round gipahigayon gikan Hulyo 18 hangtod Agosto 1, samtang ang final round milungtad gikan Agosto 8 hangtod 29.
Usa kini sa nagkadaghang milestone sa BINI karong tuiga, ilabina sa pagpagawas sa ilang ikatulong studio album nga “Flames” niadtong Nobyembre, lakip na ang daghang pag-apil sa lain-laing award shows nga nagpadayag sa ilang pagdominar sa P-pop industry.
Photo Courtesy to: Rappler
