Wala magduha-duha ang usa ka salon sa Digos City sa pagtuman sa gisaad sa nitaliwan nga Kapitan sa Tres de Mayo, si Dodong Bucol, ngadto kang alyas Datdat alang sa hair rebonding.
Si alyas Datdat, nga nakit-an sa Facebook live ni kanhing Kapitan Bucol, nakadawat sa tabang gikan sa CharlieChurlz Hair Salon.
Matod ni Charlie Estrada, tag-iya sa salon, isip supporter sa kapitan ug sa nagkaduol na ang kapaskohan, nindot sa pamati nga adunay matabangan ug malipay ang usa ka tawo pinaagi sa simpleng binuhatan.
Samtang segun ni alyas Datdat, wala siya magdahom nga matuman pa ang pagpanindot sa iyang buhok, labi na kay wala na ang kapitan nga naghatag sa saad kaniya, busa dako kaayo ang iyang pagpasalamat.
SOURCE: CHARLIECHURLZ HAIRSALON
