Mokabat sa Php4.7 milyon shabu ug .45 armas ang nakompiska sa Butuan City Police Office sa gipahigayong anti-illegal drug operation sa Brgy. Villa Kananga, Butuan City.
Pinasikad sa Search Warrant bitbit sa kapulisan nga miresulta sa pagkasikop sa duha ka suspek ug pagkakumpiska sa gibana-banang 700 gramos sa shabu ug marijuana nga nagkantidad Php 2,400.00, lakip na ang usa ka .45 caliber pistol, magazine, ug buhing bala.
Gironda sa City Drug Enforcement Unit (CDEU) ubos sa superbisyon ni City Director PCOL ROMMEL DATUIN VILLAMOR naila ang dinakpan Alias “Jim”, 52 anyos, residente sa Brgy. Pob. Esperanza, Agusan Del Sur, ug usa ka Street Level Individual, ug Alias “Chris”, 42 anyos, residente sa Brgy. Agao, Butuan City, notado nga High Value Individual.
Dugang sa opisyal nga suma total Php 4,760,000.00 base sa Standard Drug Price ang nasakmit nga Shabu, samtang Php 2,400.00 usab ang kantidad sa Marijuana.
Ang operasyon resulta sa lig-on nga pag-implementa sa BACAP (Barangay Anti-Criminality Action Plan) sa pakigtimbabayong sa kapulisan tali sa komunidad sa pagsumpo sa ilegal nga droga ug sa pagpanalipod sa kalinaw sa dakbayan.
Photo Courtesy to: BCPO
