Aktibong misalmot sa 4th Quarter Limpyo Kalog clean-up drive ang Department of Trade and Industry (DTI) Sultan Kudarat nga gipahigayon niadtong nakalabayng adlawa alang sa pagsuporta sa inisyatiba sa maong lugar sa pagmintinar sa limpyo nga agianan sa tubig ug pagpalambo sa panglawas sa publiko.
Ang aktibidad nakatutok sa paghawan sa mga kanal ug drainage system sa tibuok Tacurong City aron makatabang sa pagpugong sa pagbaha ug pagwagtang sa posibleng mga breeding sites sa dengue-carrying nga mga lamok.
Diin ang DTI Sultan Kudarat team nipahigayon og cleaning operations daplin sa karsada ug drainage areas duol sa DTI Provincial Office. Ang Limpyo Kalog usa ka regular nga clean-up program nga gipangunahan sa Local Government Unit sa Tacurong City.
Nagpahayag sa bug-os nga suporta ang DTI Sultan Kudarat alang niini nga inisyatiba, gumikan nagtimaan kini sa pag-align sa adbokasiya sa ahensya alang sa responsable ug pagkahibalo sa sangkap sa mga responsibilidad sa mga konsumedor nga gipasiugda sa DTI.
Pinaagi sa aktibong pag-apil niini, ang DTI Sultan Kudarat mipamatuod pag-usab sa ilang pasalig sa pagtabang sa pagtukod og mas limpyo, luwas, ug mas lig-on nga komunidad sa pakigtambayayong sa mga local government units ug stakeholders.
Photo Courtesy to:DTI SULTAN KUDARAT
