Gi-aprubahan sa Department of Agriculture (DA) ang 13 ka kompanya gikan sa Chile nga mag-export ug karne sa Pilipinas. Matod sa DA, gipasidunggan ang Chilean Company sa tulo ka tuig nga akreditasyon aron mag-export ug karne, offal, animal fats, ug uban pang by products aron sa pagpalig-on pa sa suplay sa karne.
Dugang ni DA Secretary Francisco Tiu Laurel, ang miaging mga natural nga kalamidad ug ang balik-balik nga sakit sa kahayupan nagpahinumdom sa kamahinungdanon sa pagsiguro sa alternative food supply channels aron maprotektahan ang mga konsumante ug mapabilin ang presyo.
Ang Chile misubay sa standards sa World Organizations for Animal Health ug nakapasar ang mga kompanya sa Philippine Quarantine ug Meat Inspection Requirements.
Gumikan niini, nakaapil na ang Chile sa global meat suppliers sa Pilipinas, lakip ang United States, Canada, Brazil ug Spain.
Photo Courtesy to: Vecteezy
