Boluntaryong misurender sa mga personahe sa Aleosan Municipal Police Station ang suspek sa pagpanigbas nga nahitabo sa Barangay Malapang, Aleosan, Cotabato, niadtong nakalabay nga adlaw.
Giila ang suspek nga si Jhony Curupan, residente sa Purok 3, Brgy. Lower Malapang sa nahisgutang munisipyo.
Uban sa tabang ug koordinasyon sa mga opisyal sa Barangay Malapang, malampusong misurender ang maong indibidwal aron atubangon ang iyang legal nga responsibilidad.
Ang iyang pagsurender resulta sa padayong kampanya sa kapulisan batok sa kriminalidad ug sa aktibong kooperasyon sa komunidad.
Photo Courtesy to: Aleosan Municipal Police Station
