Gikalipay og dako sa halos tanang residente nga nagpuyo sa Prinsesa Sumama Siay human natigayon ang opisyal nga groundbreaking ceremony alang sa Rehabilitation/Concreting sa Farm-to-Market Road kon FMR nga nagdugtong sa Barangay Bagong Silang, Villagracia, Princesa Sumama ug Dacanay.
Ang proyekto adunay Contract amount nga ₱164,165,890.09 ug gitas-on nga 7.010 KM nga gipondohan sa Philippine Rural Development Project (PRDP) ug nagtimaan sa pagpalambo sa accessibility, diin dali nalang pagpaagi sa mga katawhan hilabi na sa daghang produkto ang gikan sa maong mga Barangay kung asa gilauman nga makahatag usab kini ug dugang trabaho alang sa lokalidad.
Mitambong sa kalihokan si Ms. Maria Melba B. Wee, RAgr., Regional Technical Director for Operations / Deputy Project Director, uban sa iyang team, nga nagpakita sa lig-on nga partnership tali sa PRDP ug sa LGU Siay.
Presente usab ang mga Barangay Captains ug residente gikan sa upat ka barangay nga nagpakita sa ilang suporta ug panaghiusa. Ang tibuok aktibidad gipangulohan ni Municipal Mayor Hon. Julius M. Acosta Jr. uban sa Sangguniang Bayan Members, nga padayon nagsuporta sa mga proyekto sa kalamboan.
Ang FMR project nagpasabot sa dugay nang gipangandoy sa mga residente aron makab-ot ang luwas, lig-on, ug episyenteng dalan nga makatabang sa paspas nga transportasyon ug pag-access sa serbisyo publiko.
