MOST WANTED PERSON SA SAN ISIDRO DAVNOR, BOLUNTARYONG MITAHAN SA KAPULISAN

Bulontaryong mitahan sa kapulisan ang usa ka Most Wanted Person sa San Isidro Davao del Norte atol sa pagserbi sa warrant of arrest sa mga personahe sa San Isidro Municipal Police Station ug nagkadaiyang yunit sa Davao Norte Police Provincial Office (DNPPO) pasado alas 1:50 sa hapon niadtong Nobyembre 24, 2025.

Giila ang dinakpan nga si alyas Pagong, 42 anyos, single, usa ka heavy equipment operator, ug residente sa Purok Cacao-A, Barangay Sawata, sa samang lugar. Ang Warrant of Arrest giisyu ni Honorable Presiding Judge Arlene Lirag-Palabrica sa Regional Trial Court Branch 31, Tagum City, nga pinitsahan niadtong Oktubre 22, 2025.

Naglakip ang kaso batok sa dinakpan sa possession of dangerous drugs ubos sa RA 9165 Article II, Section 11 nga adunay bail recommendation nga Php 200,000, ug possession of equipment, instrument, apparatus, ug paraphernalia ubos sa RA 9165 Article II, Section 12 nga adunay bail recommendation nga Php 40,000.

Gipahibalo sa kapulisan nga ang suspetsado anaa na sa kustodiya sa San Isidro Police Station Custodial facility alang sa saktong lakang.