Nakuyapan si Miguel Tanfelix atol sa shooting sa pelikulang KMJS: Gabi ng Lagim The Movie. Sa usa ka eksena sa basement sa barko sa Manila Bay, giingon sa aktor nga halos walay airflow ug napuno pa gyud og aso ang set, hinungdan nga lisod iyang pagginhawa.
Matod pa nga nasimhot niya ang tanang aso rason nga nalipong ug murag nawad-an siya sa iyang panimuot. Iyang giingnan dayon ang direktor, “Direk, wait, hihimatayin yata ako,” ug mao na kuno to ang katapusan niyang nahinumdoman. Pagmata niya, naglibot na ang medics ug gihatagan siya og tubig aron mauli-an.
Matod ni Miguel, mao kini ang unang higayon sa iyang duha ka dekada sa showbiz nga nahitabo ang ingon ani nga insidente.
Bisan pa sa kakuyaw nga kasinatian, mapasalamaton ang aktor nga dali siyang natabangan ug mibalik dayon sa normal ang iyang kondisyon.
Photo courtesy: Philstar
