Ipatuman pag usab sa Department of Agriculture (DA) ang maximum suggested retail price (MSRP) alang sa pipila ka imported nga Agricultural Products sama sa karneng baboy, sibuyas ug carrots.
Tinguha sa ahensya nga ipagula ang bag-ong MSRP sa dili pa moabot ang Disyembre 1, 2025, ug molungtad kini hangtod sa katapusan sa Enero 2026.
Sumala ni Agriculture Secretary Francisco Tiu-Laurel Jr., gikinahanglan ang pagtakda pag-usab sa MSRP tungod sa padayon nga pagsaka sa presyo sa pipila ka nag-unang panigkayon sa merkado.
Sa ilawom sa giplanong pagpahigayon sa MSRP ang presyo sa:
• ₱370/kilo – liempo
• ₱340/kilo – kasim ug pigue
• ₱120/kilo – imported nga puti ug pula nga sibuyas
• ₱120/kilo – imported carrots
Sa kasamtangan, ang presyo sa carrots sa merkado nagrange sa ₱170 hangtod ₱200 matag kilo, samtang ang sibuyas sa pipila ka pamilihan sa Metro Manila misaka na ngadto sa ₱300 matag kilo.
Ang DA naglaum nga pinaagi sa MSRP, masulbad ang taas kaayong presyo sa mga produkto ug matabangan ang mga konsumidor sa panahon sa holiday season.
Photo courtesy: Business Mirror
