Nanghinaot ang former Miss Universe nga si Catriona Gray nga makabaton og mas klaro nga judging guidelines ug mas taas nga transparency ang Miss Universe Organization sa umaabot nga mga edisyon sa kompetisyon.
Sa iyang Instagram Live, gibutyag ni Catriona nga daghan gyud ang nangutana kaniya kung unsa iyang reaksyon sa bag-ohay lang nahuman nga Miss Universe 2025, usa ka pageant nga nagdaug og daghang diskusyon ug online debate.
Matod pa sa beauty queen, maayo ang initial Q&A round, ug maayo ang pagpili sa mga pangutana. Apan aduna siya’y gamayng pagkadismaya sa final word segment, diin iyang giingon nga ang pangutana “super basic” para sa usa ka world-stage competition sama sa Miss Universe.
Bisan pa niini, iyang gidayeg ang representante sa Côte d’Ivoire tungod sa klaro ug confident nga pagtubag sa Q&A. Apan alang kang Catriona, ang pinakakusgan nga kandidata niya mao gyud ang Pilipinas, nga nagpakita og lig-on nga presence ug maayo nga performance sa tibuok kompetisyon.
Padayon ang panawagan sa mga fans ug beauty queens sama ni Catriona alang sa mas limpyo, mas organisado, ug mas transparent nga Miss Universe sa musunod nga mga katuigan, aron malikayan ang pagduhaduha sa resulta ug mas maprotektahan ang integridad sa pageant.
Photo Courtesy to: Shutterstock
