Gipahibalo sa Department of Labor and Employment XI, pinaagi sa Davao del Sur Field Office, ang ilang lig-on nga suporta sa LGU Bansalan ug PESO atol sa tulo ka-adlaw nga Capacity Building Seminar para sa mga ginikanan ug guardian sa mga batang nailhan nga apektado sa child labor.
Gipasiugda sa kalihokan ang tema Working together for every child’s future nga nagpunting sa pagpataas sa kahibalo sa child labor issues ug sa pagpalig-on sa papel sa pamilya sa pagpanalipod sa kabataan. Gidetalye usab sa DOLE resource persons ang Child Labor Prevention and Elimination Program, child rights ilawom sa RA 9231, ug ang kahinungdanon sa empowered parenting.
Si Provincial Director Leo Ariel Pepino mipadayag nga padayon ang misyon sa DOLE sa pag-empower sa mga pamilya aron walay bata mapugos sa pagtrabaho. Lakip sa kalihokan ang learning sessions, poster-making contest, ug paghatag og bugas ug grocery support gikan sa LGU Bansalan.
Gipasabot nga ang partnership sa DOLE XI – DSFO ug LGU Bansalan nagpamatuod sa ilang panaghiusa aron makab-ot ang child-labor-free nga Davao del Sur.
SOURCE: DOLE XI DAVAO DEL SUR FIELD OFFICE
