Gipangunahan ni COL. ALFRED E. RAMONES GSC (AGS) PA, Deputy Group Commander sa 9th Regional Community Defense Group, Reserve Command, Philippine Army, ang seremonya sa pagbalhin sa liderato sa 904th CDC.
Gihatag ni MAJ MARC ANTHONY S. ACLO (CE) PA ang iyang katungdanan isip Director sa yunit ug nagpasalamat sa tanang personahe ug stakeholders sa ilang padayon nga suporta, dedikasyon ug pakigtambayayong, nga naghatag kalampusan sa iyang pagdumala sa CDC.
Gipulihan siya ni MAJ JOVER S. ONDOY (INF) PA, nga karon opisyal nang milingkod isip bag-ong Director. Sa iyang mensahe, iyang gipasabot ang importansya sa pagpamahiubsanon,panaghiusa, ug pagtan-aw sa mga hagit isip oportunidad aron mas mapalambo ang misyon ug mga programa sa sentro sa iyang liderato.
Ang Change of Command usa ka tradisyon sa Armed Forces of the Philippines nga nagtimaan sa tinuoray ug limpyo nga pagbalhin sa awtoridad, responsibilidad, ug accountability tali sa miluwat ug molingkod nga lider.
Alang sa 904th CDC, ang seremonya nagpalig-on sa ilang commitment sa pagpauswag sa Reservist, ROTC programs, ug sa pagpadayon sa community-based defense initiatives sa Zamboanga Sibugay ug mga kaabag nga institusyon.
