Patay diha-diha dayon ang usa ka lalaki human gisulod sa iyang kaugalingong panimalay ug gipusil sa makadaghang higayon, Nobyembre 21, 2025 sa gabie, sa Purok 9 Malinawon, Brgy. La Filipina, Tagum City, Davao del Norte.
Subay sa gipagawas nga report sa Tagum City Police Station, giila ang biktima nga si Abobakar Kamsa Pamilian, 32 anyos, minyo, residente sa nahisgutang lugar.
Sumala pa, samtang nagpakaon sa iyang manok ang biktima, misulod ang wala mailhing suspek ug walay pagduha-duha kining gipusil hinungdan sa iyang hinanaling kamatayon.
Sa giluwatang pahayag ni PLtCol Frederick E. Deles, Acting – Chief of Police sa Tagum PNP, adunay narekober nga gituohang ilegal nga droga ug drug paraphernalia atol sa pagresponde sa kapulisan, samtang milusad na sila og lawom nga imbestigasyon aron matungkad ang posibleng motibo ug maila ang nagpaluyo sa maong krimen.
Photo for illustration credits to: Darkhorse Press
