30-DAY OPLAN PAHIMANGNO SA CITY TRAFFIC MANAGEMENT OFFICE, IPATUMAN

Gibutyag ni CTMO OIC, PCAPT. Bernard Bumatay nga sugdan na nila ang 30-day Oplan Pahimangno sa City Traffic Management Office kini alang sa tanang mga motorista sulod sa dakbayan sa Mati, diin ilang parahon ang mga driver ug pahimangnoan ingon man istoryahan kabahin sa mga balaod sa kalsada.

Lakip sa ilang pagpahimangno mao ang pagsuot og helmet samtang nagmaneho sa motorsiklo ingon man pag check sa driver’s license ug OR/CR sa sakyanan.

Kini nga inisyatiba nalakip sa People’s Administration sa Mayor sa dakbayan aron ma remind ang mga Matinians sa mga angay buhaton. Gipahimangnoan usab niini ang mga pedestrian nga mag amping sa pagtabok kung adunay mga sakyanan alang sa kaluwasan sa tanan.

Dugang pa ni Bumatay, nga human sa 30 ka adlaw nga pag pahimangno sa mga motorista, sila seryoso na sa pagpatuman sa balaod ug pagpangdakop sa mga violators sugod karung sunod tuig.