Nahimong Top Grossing Filipino film sa 2025 ang pelikulang “Meet, Greet & Bye” sa Star Cinema nga gi-direk ni Cathy Garcia-Sampana, human makatigom og kapin ₱175 milyon worldwide as of Nobyembre 21.
Gi-release kini niadtong Nov. 12 ning tuiga, ug sa unang adlaw pa lamang nakakuha na ug ₱10.5 milyon, samtang ₱85 milyon ang domestic gross sulod sa unang lima ka adlaw.
Napasalida ang pelikula sa kapin 510 ka sinehan lokal ug abroad, lakip ang Australia, New Zealand, US, Canada, UK, France, ug Greece. Naka uyon ang publiko sa emosyonal nga istorya sa upat ka magkagsuon nga nagtuman sa last wish sa ilang inahan: og ang pagpakita sa paborito niyang Korean idol nga si Park Seo-Joon.
Gibidahan kini nila Piolo Pascual, Joshua Garcia, Belle Mariano, Juan Karlos Labajo, ug Maricel Soriano.
Photo courtesy: ABS-CBN
