Tungod padayon man ang problema sa paggamit ug adiksyon sa illegal nga droga, nakita nga aduna pay panginahanglan nga madugangan ang rehabilitation center dinhi sa dakbayan sa Cagayan de Oro ug sa tibuok rehiyon.
Sumala pa ni Dr. Crissa Irag, Medical Doctor sa DOH- Treatment and Rehabilitation Center-Cagayan de Oro City nga ning kasamtangan, dili paman congested ang rehabilitation center sa syudad ug wala pa nilapas sa 200 ang ilahang mga kliyente, apan tungod nagapadayon man sab ang problema sa illegal nga droga, labing maayo nga madugangan sab ang susamang mga pasilidad.
Ang mga serbisyo sa rehabilitation center libreng ma-avail sa mga kliyenteng nalakip sa low income nga kategorya samtang kung adunay ikasarang, mukantidad sa Php15k matag bulan ang ilahang kinahanglang bayaran.
Photo courtesy: DOH-Treatment and Rehabilitation Center-Cagayan de Oro City
