Patay ang usa ka collector, human kining gipusil sa Purok Lanzones, crossing Purok Avocado, Barangay Singao, Kidapawan City, gabii niadtong nakalabay nga adlaw.
Giila ang biktima nga si Jaime Villafuerte Bajenting, 56-anyos, minyo ug residente sa Purok Mangga Cebu, Barangay Poblacion, sa nahisgutang syudad.
Matod sa kapulisan, usa ka concerned citizen ang nanawag aron pagtaho sa buto sa armas nga ilang nadunggan, hinungdan nga miresponde dayon ang Alert Team, SWAT, ug Duty Investigators sa lugar ug didto na nasuta ang nakahayang nga biktima.
Sa pagkakaron, padayon pa ang ginahimong imbestigasyon sa Kidapawan City Police Station aron masuta ang motibo sa pagpamusil lakip na ang posibleng pag-ila sa suspek.
Photo Courtesy to: Jpee Tocmo
