Boluntaryong mitahan sa DOPPO RPSB Cluster 6 ug 7 ang usa ka suspek sa pagpanigbas sa usa ka biktima didto sa Purok Poblacion, Barangay PM Sobrecarey, Caraga, Davao Oriental pasado alas 9:30 sa gabii niadtong nakalabay nga adlaw.
Base sa report sa Caraga Municipal Police Station, giila ang suspetsado nga si alyas Win, hamtong ang pangidaron, usa ka laborer ug residente sa maong lugar. Human sa pagsurender, ang suspek daling gi-turn over sa Caraga Municipal Police Station pasado alas 9:00 sa buntag niadtong Nobyembre 17.
Kasong Frustrated Homicide ang ipasaka batok sa dinakpan pinaagi sa inquest proceeding nga gipirmahan ni Atty. Lennie Yu Moreno-Maduay ang Deputy Provincial Prosecutor nga penitsahan niadtong Nobyembre 17, 2025 nga adunay National Prosecution Service Docket No. XI-05-INV-25K-0299.
Sa pagkakaron ang suspetsado gikustodiya na sa Caraga Municipal Police Station alang sa tukmang disposisyon.
Photo courtesy to: Caraga Municipal Police Station
