Patay ang usa ka padre de pamilya human napaakan og bitin nga nahitabo sa miaging gabie sa Barangay Calube, San Miguel, Zamboanga Del Sur.
Ang biktima naila nga si Alvin Lagata, 42 anyos, minyo ug residente sa maong dapit. Segun sa pamilya nga paingon na pauli ang biktima gikan sa nag-inom apan pag-abot duol sa ilang balay kalit nga napaakan ang iyang batiis sa usa ka bitin nga gituhoang dopong.
Dali nga gitabang sa pamilya ang biktima, ug gipatay ang mipaak nga bitin.
Samatang gidala sa pamilya ang biktima sa tambalan og gilahus sa Margosatubig Regional Hospital apan ulahi na ang tanan human gituhoan mikaylap na ang venom sa lawas hinungdan gideklarar nga patay sa miatiman nga doctor. Sa karon ang patay lawas sa biktima gihaya na sa nagbangutang pamilya.
Photo courtesy to: Shutterstock
