Kasamtangang nagpasilong sa Brgy Covered Court sa Macabalan ang kapin 200 ka mga indibidwal o kapin 60 ka pamilya sa Brgy. Macabalan nga nawad-an og panimalay human sa nahitabong sunog sa Sitio Mulmac sa naasoy nga Barangay niadtong nakalabay nga adlaw.
Matod pa ni Kapitan Saniel Raypon nga materyales alang sa pagpatukod og balay, pagkaon ug mga used clothes ang labing kinahanglan karon sa mga nasunugan.
Nag sugod matod pa ang kalayo sa balay ni Mr. Macajilos tungod sa giingong wire nga mitanday sa iyang balay nga gama sa light materials.
Dili pa masulti ni kapitan kung pila ang natala nga damyos tungod kay nagpadayon pa ang pag kolekta sa mga dugang datos.
Photo courtesy: Cagayan de Oro Information Office
