Gibutyag sa kadumalahan sa Information and Communications Technology Center (ICTC) Iligan, pinaagi sa pagpanguna ni Nouvell Krish Aehmery A. Lagapa,-ICTC OIC Head nga gihingusgan karon nga ang ilang opisina sa ICTC Division mahimo nga usa ka Departmento.
Matod pa ni Lagapa, kusganong naghatag ug suporta ang administrasyon ni Iligan Mayor Frederick Siao sa maong lakang.
Nunot niini una nang giduso ang ordinansa nga naglatid sa plano ug gilauman nga kini makatabang sa pagpalapad sa serbisyo sa Information and Communications Technology Center ngadto sa katawhan.
Gidugang pa niya nga sa pagkakaron padayon nga nag suporta kanila ang tanang departamento nga sakop sa lokal nga panggamhanan, aron masiguro ang hapsay ug epektibo nga serbisyo sa publiko.
