Gipahigayon ang Basic Disaster Response Training sa PDRRMO–South Cotabato, nga pinangulohan ni Rolly Doane C. Aquino ug gipasiugdahan sa Department of Environment and Natural Resources (DENR) Region XII alang sa 24 ka mga personnel niini nga gilangkuban sa Persons with Disabilities (PWDs) ug senior citizens, nga gipahigayon niadtong nakalabayng adlaw sa Tupi, South Cotabato.
Diin ang inisyatiba nagtumong sa pagpauswag sa pagkapamilyar sa mga partisipante sa mga pamaagi sa pagluwas sa kinabuhi, lakip na ang batakang mga teknik sa pagdala sa biktima, ug pagpalig-on sa ilang kaandam panahon sa mga emerhensya.
Ang pagbansay naghatag og gibug-aton sa accessible ug praktikal nga pagkat-on, masiguro nga ang mga PWD ug mga katigulangan luwas ug epektibo nga makasabut og makahimo sa gikinahanglan nga mga kahanas sa pagtubag sa kalamidad.
Pinaagi sa capacity-building initiatives nga sama niini, ang probinsiya padayong nagpasiugda sa inclusive ug community-centered disaster preparedness, nga naghatag ug gahom sa tanang sektor, bisan unsa pa ang edad o pisikal nga kahimtang, nga mahimong aktibong papel sa pagtukod sa mas luwas ug mas lig-on nga South Cotabato.
Photo courtesy to:PDRRMO–South Cotabato
