Nakadawat ang City Disaster Risk Reduction and Management Office (CDRRMO) sa syudad sa Tandag og bag-ong water assets ug rescue vehicle gikan sa lokal nga pang gamhanan, ubos sa ledirato ni City Mayor Roxanne Pimentel.
Ang mga bag-ong kagamitan naglakip sa Rescue Speed Boat, Rescue Fiber Boat, Rescue Rubber Boat, ug usa ka Rescue Motorcycle. Pinaagi niini, gilauman nga mapalambo ang kapasidad sa lungsod sa pagtubag sa mga emerhensiya ug kalamidad.
Gipahayag ni CDRRMO Officer Reyveen John Geli ang iyang pasalamat sa lokal nga panggamhanan tungod sa padayon nga suporta ug saad sa pagpahugot sa kaandam sa opisina sa pagtubag sa kalamidad.
Matod ni Mayor Roxanne Pimentel, ang pagkahatag sa mga water assets kabahin sa padayong paningkamot sa syudad nga makabuo og komunidad nga andam sa kalamidad labi na ang mga emergency responder sa ilang pag-alagad sa katawhang Tandaganon.
Photo courtesy: CDRRMO TANDAG
