Nakatala og talagsaong Guinness World Record, ang Canadian cooking star ug bodybuilder nga si Wallace Wong, mas nailhan nga “Six Pack Chef,”
Siya ang naghupot sa titulo nga “thinnest sandwich sliced by hand.” Ang hinimo ni Wong kay 5.12 millimeters (mm) lang ang gibag-on. Ang kinahanglan aron maangkon ang rekord mao ang mas nipis kay sa 10 mm.
Sumala ni Wong, ang mga sangkap nga iyang gigamit mao ang shokupan (pan nga hinimo sa gatas sa Hapon), kamatis, ug mga pepino.
Giangkon niya nga ang pinakalisud nga bahin mao ang paghiwa sa pan, nga nagsulay sa iyang talento ug pulso aron makakuha og perpekto nga hiwa nga walay mga lungag o gisi.
Human sa pag-assemble sa sandwich, gikumpirma sa Guinness World Records Adjudicator nga si Joanne Brent ang bag-ong rekord.
Apan dili lang kana ang nahimo ni Wong nianang adlawa. Gibuak usab niya ang rekord alang sa labing paspas nga oras sa pag-fillet sa usa ka 12 lb nga isda, nga iyang nahuman sulod lang sa 1 minuto ug 17.85 segundos.
Gawas sa sandwich ug isda, nakahimo usab siya og upat pa ka rekord sa samang adlaw alang sa labing daghang hiwa sa zucchini ug uhong sulod sa 30 segundos, gamit ang usa ka plato.
PHOTO COURTESY TO:Online Indus
