Nag-viral sa social media ang pagkita nila ni Kapamilya heartthrob Piolo Pascual at Eman Bacosa Pacquiao, anak ni boxing legend Manny “Pacman” Pacquiao sa kanhing hotel waitress nga si Joanna Bacosa.
Gipost dayon ni Eman ang ilang litrato ug video nga nagpakita nga nag-training sila—kunuhay si “Papa P” ang iyang coach. Daghang netizens ang nalingaw ug nagkomento nga murag kapareho ug nawong gayud silang duha, labi na human nga nag-viral ang “Piolo Pacquiao” nga ngalan pagkahuman sa kadaugan ni Eman sa Thrilla in Manila 2 niadtong nakalabay nga semana.
Sa interbyu ni Jessica Soho, gibutyag ni Eman nga lisod para kaniya ang pagdako nga wala ang presensya sa iyang amahan, apan mas gipili niyang pasayloon kini. Pero ana si emman ang importante, makuyog nako siya ug mabati nako ang iyang suporta.
Dugang pa niya, mihilak siya sa kalipay human pagkahibalo nga ilisan na ang iyang apelyido ngadto sa Pacquiao.
Photo courtesy:Inquirer.net
