Nakadawat ug kasigurohan ang Department of Trade and Industry (DTI) gikan sa mga manufacturers nga dili una sila magpataas sa presyo sa ilang mga baligya nga mga prime commodities hangtod sa katapusan ning tuiga.
Matod ni Trade Secretary Cristina Roque, tanan sa mga manufacturers mitubag sa ilang hangyo nga dili una mopa-usbaw sa presyo sa mga nanag-unang mga produkto.
Padayon usab ang ilang pakig-koordinar sa mga manufacturers ug retailers aron masiguro nga kini nga kasabutan hugtanong gisunod.
Sa umaabot nga mga semana, nakatakda usab sila nga magpagawas sa listahan sa mga noche buena items.
Photo courtesy: manilastandard.net
