Balhog sa mabugnaw nga silda ang usa ka lalaki human kini nagpakaaron-ingon nga buta ug nangayo ug limos sa mga tawo didto sa Padada, Davao del Sur.
Naila ang dinakpan nga si alyas George, 38 anyos ug residente sa maong lugar. Base sa report, nagpakaaron-ingnon siyang buta og nag-antyohos aron magpalimos, apan nasakpan kini human adunay milabay nga sexy nga babaye sa iyang atubangan dayong taghoy.
Tungod niini, nabulabog ang iyang tirada ug dali siyang gidala sa Police Station ug didto na nasuta nga mao kini iyang modus aron makakwarta. Kasong paglapas sa Republic Act No. 11313 (Safe Spaces Act o Bawal Bastos Law) ang atubangon sa dinakpan.
Photo Courtesy to:Vecteezy
