Angol ang usa ka 35-anyos human kini giluba sa nakainom nga construction worker nga natigayon sa may Purok 2, Barangay Sudlon, Molave, Zamboanga del Sur, adlaw’ng Dominggo, Nobyembre 9, 2025.
Sa inisyal nga imbestigasyon, igo lang unta gibadlong sa biktima nga 35 anyos ang suspetsadong 40 anyos nga pahinayan ang volume sa iyang speaker.
Niadtong tungura, gikaingon nga naka-inom ang suspetsado ug gikasuko niini ang pagbadlong sa biktima hinungdan sa pagpangluba niini.
Ang biktima naka-angkon ug mga samad sa lawas ug dali nga gidala sa pinakaduol nga tambalanan sa Blancia Hospital, Molave alang sa dinaliang pagtambal.
Samtang nadakpan ra usab dayon sa Molave Municipal Police Station ang suspetsado ug nabawi ang kutsilyo nga gigamit sa kremin.
Nakakustudiya na karon ang suspetsado sa Molave Municipal Police Station alang sa pagpasaka sa tukmang kaso.
Photo for illustration credits to: ABP News
