Angol ang usa ka lalaki human giluba sa Purok Bagong Silang, Domandan sa niadtong nakalabay nga Gabie. Sumala sa report sa Provincial Public Information Office kon (PPIO), ang insidente gipahibalo pinaagi sa 911 hotline, ug dali kining girespondehan sa Alert Team sa Ipil Municipal Police Station.
Sa imbestigasyon, nasayran nga ang biktima pauli gikan sa diskohan sa dihang nahitabo ang maong pag-atake. Nakaangkon kini ug samad nilubaan ubos nga bahin sa iyang dughan. Samtang daling misibat ang suspetsado paingon sa Titay nga direksyon.
Daling gidala sa Dr. George T. Hofer Medical Center sa Tenan ang maong lalaki ug anaa na sa luwas nga kahimtang diin nagpadayon ang imbestigasyon aron masayran ang motibo sa maong pagpangluba ug aron masikop suspetsado.
Photo Courtesy to:Ipil Municipal Police Station
