Nagpahigayon og Training Induction Program (TIP) ang Provincial Training Center (PTC) Davao de Oro alang sa 25 ka Child Development Workers (CDWs) gikan sa nagkadaiyang barangay sa LGU Monkayo, kinsa magatambong sa Early Childhood Care and Development (ECCD) Services NC III Training ubos sa Training for Work Scholarship Program (TWSP) niadtong Nobyembre 6, 2025.
Nagtumong ang maong oryentasyon sa pagpailaila sa mga iskolar sa mga lagda sa TESDA, mga benepisyo sa scholarship, ug mga polisiya sa institusyon, aron masiguro ang hapsay nga pagpatuman sa maong programa.
Gipasabot usab sa TIP ang kahinungdanon sa ECCD sa pagpalig-on sa kahibalo ug kahanas sa mga CDW sa pagdumala sa daycare centers, pagpatuman sa ECCD curriculum, ug pagsuporta sa holistic development sa mga batang edad 0–4 anyos.
Pinaagi niini nga inisyatibo, gipalig-on sa TESDA, ug sa Provincial Training Center kon PTC Davao de Oro, ang pakigpartnership sa mga lokal nga pangagamhanan aron mapaayo ang kalidad sa childcare ug early education services sa tibuok probinsya.
Photo Courtesy to:TESDA Davao Region
